Jabrix wis suwe ngumboro, saiki kerjo neng Jakarta terminal Pulogadung nelpon omah arep takon do pengin oleh-oleh opo, sing nompo si Tole anake lanang.
Jabrix : "Halo. Sopo iki..??"
Tole : "Niki tole pak.."
Jabrix : "Oalah, kowe to le, seminggu meh riyoyo, bapakmu iki arep mulih, kowe arep njaluk oleh-oleh opo..??"
Tole : "Tole pengin Blekberi pak ben saged pamer teng ngajenge Dik Astuti niko.."
Jabrix : "Oalah gampang kuwi le, opo maneh..??"
Tole : "Kalih Handicam ben saged ngerekam video pas ambungan kalih Dik Inem.."
Jabrix : "Gampang-gampang nek njalukmu mung kuwi, jajal mbokmu takoni arep njaluk oleh-oleh opo..??"
Tole : "Sanjange simbok nyuwun oleh-oleh kotang wong pun do molor kabeh.."
Jabrix : "Wah ora iso yen sing koyo ngono, jajal liyane.."
Tole : "Nek mboten kotang sanjange cawet mawon, wong pun do suwek- amoh lan mambu .."
Jabrix : "Ora iso yen njalukke kuwi, mbok ganti liyane koyo henpon, jam tangan, kalung, cincin ngono lho..."
Tole : "Lha king nopo to pak kok mboten saged..??"
Jabrix : "le le , kuwi ngono angel nyopet-e....!!"
Tidak ada komentar:
Posting Komentar